Nòcc de Nedal. 
In d'öna póvra stala a l' nass ol Rè del mónd, 
che l' vé pogiat, con gran delicatèssa 
e santa tenerèssa,sura 'mponi de fé, 'n d'öna treìs.

A l' piàns ol Rè del mónd: forse l' gh'à frècc. 
Fòrse l'è póch ol fiat del póer asni insèm 
con chèl del bö, e 'l panisèl l'è strécc.

A l' piàns ol Rè del mónd e la Madóna 
a la ghe dis di paroline dóre 
che dóma öna gran Mama la pöl dì 
e la ghe canta öna cansù d'amur 
con di note armoniose 
che i se confónd con chèle di angeli.......